أعمال يدويه بالصوف

 

 

 

 

كفر بالصوف لأكواب القهوة

 

   

 

سلام بنات

اليوم حبيت أنزل لكم صور لكفرات للأكواب عملتها لصديقاتي

راح تعجب الناس اللي يحبوا الصوف نفسي :-)

وهنا صوره أقرب للأكواب.

إذا حبيتوا إني أنزل لكم أعمال يدوية أكتبوا لي في الكومنت

وبس أحبكم

 

ماسك الافوكادو

ماسك الافوكادو للشعر

 

حبه أفوكادو

نص كوب حليب جوز الهند (تحصلونه بقسم المعلبات في السوبر ماركت) او تستبدلين الحليب ب لبن

فنجان قهوه أي زيت تستخدميه لشعرك ( أنا استخدم زيت السمسم )

 

معلومة ( لما نجي نختار الأفوكادو خذي الحبه اللي تكون لينه لما تضغطين عليها اذا كنتي تبغين تسوين الماسك في نفس اليوم اما في حاله اذا موب عارفه متى راح تعملي الماسك ف عادي خذي الافوكادو اللي موب لينه وقبل ما تستخدميها بيوم او يومين طلعيها برا الثلاجة في حراره الغرف حتى تلين واستخدميها )

نخلط المقادير في الخلاط ونحط الماسك على شعرنا لمده لا تقل عن ساعتين

الحلو في الماسك يعطي لمعه ل شعرك ونعومه

وبس أحبكم



طريقتي في استخدام زبده الشيا الخام

طريقتي في استخدام زبده الشيا الخام

 

في الخلاط

نص زبده شيا مقطعه مكعبات شويه زيت جلسرين واحط معاها اي لوشن جسم

انا استخدمه واخلطها

واستخدمها بدل اي مرطب جسم لان ترطيبها حلو يطول 

ماسك الحناء البيضاء

ماسك الحناء البيضاء

 

ملعقتين صغيره زبادي

ملعقه صغيره حليب بودره

ملعقه صغيره  نشا الذره

ملعقه صغيره كركم جسم

ملعقه صغيره حناء بيضاء

 

نخلطها مع بعض وندهن فيها الوجه والرقبه حتى تنشف ونقشرها بيدنا

وبعدها نغسل الوجه بمويه بارده

دلكه قشور الموز لتنظيف الجسم

  

 

دلكه قشر الموز

 

قشر موزتين

حبه بطاطس مسلوقه مع القشر

حبتين ليمون مقطعه مكعبات

علبه زبادي

 

نخلط المكونات كلها في الخلاط تمام

ونوزعها ب علب (لاتخافوا اذا صار لون الخلطه ع بني بعد فتره ذا شي طبيعي عشان الموز ) الخلطه كميتها راح تكفيك حق غسلتين الباقي نحفظة في الثلاجه

المهم نحط الخلطه ع جسمنا كله ونخليه حتى ينشف مضبوط وبعدها نجي نفرررق الجسم ب يدنا حتى تتقشر كل الخلطه وبعدها نغسل جسمنا  

راح تشوفوا كميه النظافه اللي راح تطلع والنعومه شي جميل

وبس

احبكم 

وصفه الجرانولا

الجرانولا الصحية

 

 

الجرانولا معروف ب فوائده الصحيه لانه مليان فيتامين ومعادن والألياف وصوديوم وبوتاسيوم وزنك وفسفور وكاسيوم وفيتامين e وحديد ولو اكتب من اليوم حتى بكره ماراح الحق ع فوائده

طريقتة

نحتاج كوبين شوفان كويكر ولو عندك شوفان عضوي بيكون افضل

كوب مكسرات مجروشه اي نوع مكسرات تحبينه كسريها وحطيها

كوبين فاكهه مجففه اللي تحبين (زبيب . فراوله . توت ز مشمش........) اللي يخطر ببالكم

الفاكهه فيه مجففه في الرفاعي اّذا كانت القطع كبيره قطعيها صغار

حطي المقادير في صينيه

وحطي عليها ملعقتين قرفه مطحونه

ونص فنجان زيت زيتون

واخلطيها مع بعض

ابشري تفاح اخضر او اي نوع تحبين وحطيها عليه

اخلطيها كويس وجيبي صينيه كبيره وافردي الخلطه فيها وشغلي الفرن من تحت وفوق ودخليها تتحمر

بعد خمس دقايق طلعيها وقلبي الجرانولا ورجعيها حتى تستوي (يتحمر الشوفان)

بعدها طلعيها وزودي عليها فاكهه مجففه ومكسرات وخليها حتى تبرد واحفظيها في علبه قزاز بالثلاجه

فيكم تاكلونها مع زبادي او تحطونها مع سلطه فاكهه او مع حليب

وبس احبكم



 

ماسك الكركم

ماسك الكركم

 

ملعقه كبيره طحينه سائله

ملعقه صغيره كركم

ملعقه صغيره ترمس مطحون (تلاقونه عند العطار)

نخلطها مع بعض  ونمدها ع الوجه والرقبه لساعه ونغسلها .